Profiad Gwaith
Os oes gennych ddiddordeb mewn ymgeisio am brofiad gwaith gyda Heddlu Gogledd Cymru, edrychwch ar eu gwefan am fwy o wybodaeth. Bydd y broses recriwtio fel arfer yn dechrau ddiwedd mis Hydref bob blwyddyn ar gyfer cyfleoedd yr haf dilynol.
Os bydd cyfle profiad gwaith yn codi gyda Swyddfa’r Comisiynydd Heddlu a Throsedd, bydd Heddlu Gogledd Cymru yn hwyluso’r broses recriwtio ar ein rhan.
Cyfle gwirfoddoli: Ymwelwyr Lles Cŵn Heddlu
Mae Dan Price ac Andy Dunbobbin, Comisiynwyr Heddlu a Throsedd Swydd Gaer a Gogledd Cymru, yn cynnig cyfle gwirfoddoli cyffrous i drigolion lleol ymuno â Chynllun Lles Cŵn Heddlu ar y Cyd yn Swydd Gaer a Gogledd Cymru. Mae Ymwelwyr Lles Cŵn Heddlu yn cadw llygad ar les pob ci heddlu, yn enwedig o ran y 'Pum Rhyddid'.
Yn 1997, gwnaeth marwolaeth ci heddlu sef 'Acer' wrth hyfforddi yn Essex, ynghyd ag erlyn y swyddogion heddlu a oedd yn gysylltiedig wedi hynny, arwain at golli hyder cyhoeddus dealladwy o ran dulliau hyfforddi cŵn heddlu. Mae'r Cynllun Lles Cŵn Heddlu yn anelu adfer a chynnal hyder cyhoeddus a sicrhau fod gweithdrefnau hyfforddi Heddlu Swydd Gaer yn foesegol, dyngarol, tryloyw ac atebol. Mae Ymwelwyr Lles Cŵn Heddlu yn arsylwi, rhoi sylwadau ac adrodd ar yr amodau mae cŵn yr Heddlu'n cael eu cartrefu, eu hyfforddi a'u cludo.
Yn ogystal, bydd gofyn i Ymwelwyr Lles Cŵn Heddlu:
- Mynychu dyddiau hyfforddi a raglennwyd ar gyfer cŵn heddlu a thrinwyr a gynhelir mewn lleoliadau amrywiol drwy Swydd Gaer a Gogledd Cymru.
- Archwilio cytiau cŵn yr heddlu.
- Arolygu cerbydau heddlu sy'n cael eu defnyddio er mwyn cludo cŵn heddlu. Mae hyn er mwyn sicrhau eu bod nhw'n addas i'r diben.
Cŵn heddlu yn aml ydy arwyr di-glod y gwasanaeth plismona, ac maent yn cyflawni rôl gwbl hanfodol. Mae'n bwysig bod Heddlu Swydd Gaer a Heddlu Gogledd Cymru yn dryloyw, ac mae gan y cyhoedd hyder bod y cŵn yn cael gofal priodol a'u hyfforddi'n dda.
Mae'n bwysig bod gennym wiriadau a rheolaethau annibynnol ar waith er mwyn sicrhau bod safonau lles anifeiliaid da yn cael eu cynnal yn gadarn. Mae'r Comisiynwyr wedi ymrwymo sicrhau bod cŵn heddlu yn hapus ac yn cael gofal da.
Er y darperir hyfforddiant i ymgeiswyr llwyddiannus, mae profiad neu ddeall sut i weithio hefo anifeiliaid a meddu gwybodaeth sylfaenol am les anifeiliaid yn ddymunol.
Er mwyn cael rhagor o wybodaeth am rôl Ymwelydd Lles Cŵn yr Heddlu, gweler isod 'Manyleb Unigolyn' a 'Disgrifiad Rôl'. Os oes angen unrhyw wybodaeth ychwanegol arnoch, cysylltwch hefo Swyddfa'r Comisiynydd Heddlu a Throsedd drwy e-bost pcc@cheshire.police.uk neu OPCC@northwales.police.uk.
| Dychwelwch y ffurflen gais hon wedi'i chwblhau erbyn 12pm ar ddydd Gwener 02 Awst 2024 at: Cyfeiriad e-bost: OPCC@northwales.police.uk At sylw Angharad Jones Swyddfa'r Comisiynydd Heddlu a Throsedd Glan y Don Bae Colwyn LL29 8AW Ffôn: 01492 805486 |
Please return this completed application form by 12pm on Friday 02 August 2024 to: E-mail: pcc@cheshire.police.uk FAO Karolina Kardas Office of the Police & Crime Commissioner Clemonds Hey, Oakmere Road Winsford, CW7 2UA el: 01606 364000 |
Gwirfoddolwyr gyda'r Heddlu
Am gyfle i wirfoddoly gyda Heddlu Gogledd Cymru gwelwch yma